2020ko aza. 17a, 10:35
Euskaldun zaharra zara eta goiz batean tarte bat baduzu euskaraz hitz egin nahian dabilen herritar-talde bati laguntzeko? Hala bada, dei ezazu 943691012 zenbakira edo jo ezazu Zizurkilgo udal-bulegoetara, Zizurkilgo hirukote jator bat zure zain baitaukazu.
Egoera berezi honetan, Mintzalagun proiektuan euskaraz mintzatzeko laguntzaile gabe geratu da euskara ikasten dabilen hiru pertsonako talde bat.
Izena ematea erabakiz gero, zer egin beharko zenuke? Asteko goiz batean, ordubetetxo batez, aisialdi-giroan, hirukote horrekin elkartu eta denok elkarren artean euskaraz hitz egin, besterik ez.
Zalantzarik izanez gero, deitu lasai 943691012 zenbakira (4. luzapena), eta gustura emango dizkizugu azalpen guztiak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!