2020ko aza. 17a, 10:34
Atzo arratsaldean bilera egin zuten Zizurkilgo Udaleko kideen eta ostalarien artean. Ostalariak azken hilabeteotan bizitzen ari diren egoera gogorra xamurtzeko asmoz, diru-laguntza lerroa prestatzen ari da udala, eta ostalariak deitu zituen informazioa eman eta haien eskaerak entzuteko.
Aforo eta segurtasun neurriak betetzeko, bi taldetan banatuta bildu ziren herriko ostalariak eta udaleko kideak. Udalaren proposamenak entzun, eta euren kezkak azaltzeko aukera izan zuten bertaratu zirenek. Udalak eskerrak eman nahi dizkie bilerara gerturatu ziren ostalariei.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!