Zizurkilgo Udalak ireki du deialdia ur eta zaborren tasa ordaintzeko laguntza eskatu nahi dutenentzat. Otsailaren 24ra arte egin ahal izango dute eskaera, Zizurkilgo udaletxean eta Joxe Arregi plazako udal-bulegoetan.
Honako dokumentazio hau aurkeztu beharko dute hobaria eskatu nahi dutenek:
- Familiako kide guztien nortasun-agiriaren fotokopia
- Familiako kide guztien diru-sarreren ziurtagiria:
- Errenta aitorpenaren fotokopia edo egitea behartuta ez dagoenaren agiria
- Langabezia-txartela eta Lanbidetik jasotzen den laguntzaren ziurtagiria
- Foru Ogasunak emandako ondasun-agiriak
Informazio gehiago jaso nahi izanez gero, udal-bulegoetan eskuratu ahal izango da edo 943691012 telefono-zenbakian.
Albisteari erantsita daude deialdiaren bandoa, diru-sarreren taulak eta eskaera egiteko orri normalizatua.