Erakusketako lan guztiak BIC boligrafoa erabiliz egin ditu, itxura batean sinestea zaila dirudien arren. Hala ere, ez dute kolore aniztasun faltarik. Hainbat motatako loreak ikus daitezke koadroetan, marrazkiak egiteko erabiltzen dituen BIC boligrafoen marrazkiak ere bai, eta baita eguneroko bizitzako objektuak ere.
Bestalde, urriaren 22an, larunbatean, bere teknika ezagutzeko tailer praktikoa eskainiko du, 10:00etatik 12:00etara. Tailerra doakoa izango da eta ezinbestekoa izango da aurrez izena ematea Zizurkilgo Udalean. 12 urtez azpikoek heldu batek lagunduta hartu beharko dute parte.