Ekainaren 26ra bitartean eman ahal izango da izena, Aranzadi Zientzia Elkartearen helbide elektroniko honen bidez: hbravo@aranzadi.eus. 19 plaza daude guztira.
18-30 urte bitarteko gazteei bideratutako auzolandegia da, eta uztailaren 11tik 23ra bitartean egingo da. Bertan, Aduna, Asteasu eta Zizurkilgo mendi aldean gelditzen diren trintxerak eta aztarnak garbitu eta arkeologikoki dokumentatuko dira.
Auzolandegien prezioa 150 eurokoa izango da, eta prezioan sartuta daude auzolandegiko materiala, hitzaldiak, bisita bidatuak eta egonaldi guztiko mantenu osoa (loa eta otorduak barne). Auzolandegia eta ekintza osagarriak euskaraz izango dira.