Hilean behin antolatzen du AIZAN taldeak dokumental baten proiekzioa eta solasaldia
Urtarrilean, generoa hartuko dute gai gisa. Test de la vida real izeneko dokumentala emango da, generoak bizitzeko era ezberdinak ezagutzeko aukera paregabea.
Dokumentala proiektatu baino lehen, azalpentxo batzuk emango dituzte, edukia hobeto ulertzeko.
Emanaldia urtarrilaren 29an izango da, ostiralean, arratsaldeko 18:30ean, Atxulondo kultur etxean.
Antolatzaileek jakinarazi dute dokumentala gaztelaniaz izango dela.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!