XXX. urtez, Zizurkilgo Urkamendi elkarteak omenaldia egingo dio Tourreko lehen euskaldunari, azaroaren 27an, 21:00etan, Urkamendi elkartean.
2015eko Tourrean Jonathan Castroviejo izan da lehenengo euskalduna. Hori dela eta, Urkamendi elkarteak omenaldi-afaria egingo dio. Txirrindulari euskalduna ez da bakarrik egongo; izan ere, alboan izango ditu Jokin Mujika, Marino Lejarreta, Haimar Zubeldia, Peio Olaberria, Fernando Iragorri, Ane Iriarte, Jokin Alberdi eta Xabier San Sebastian.
Giroa alaitzen eta saltsa pixka bat jartzen Urkamendi elkartean bilduko dira, baita ere, Lizaso, Unai Mendizabal eta Telleria bertsolariak, eta Xapre eta Totxo trikitilariak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
