Salatu dugu irregulartasunak izan direla alkateari eta EH Bilduren gobernu taldeko zinegotzi batzuei ordainsariak ordaintzean, 2019az geroztik indarrean dagoen araudia betetzen ez duten ordainketak jaso baitituzte. Idazkaritzaren txostenak baieztatu duenez, Toki Araubidearen Oinarriak arautzen dituen Legeak ezartzen du ezin dela ordainketa gehigarririk jaso mahai sektorialetako arduradunak izateagatik, eta hori Zizurkilen egiten aritu dira.
Zehazki, 2023ko uztailaren 11ko osoko bilkuran, udal taldeentzako zuzkidura ekonomikoa onartu zen: 150 euro hilean talde bakoitzeko, gehi 100 euro hilean zinegotzi bakoitzeko, eta 100 euro gehiago sortuko zen mahaiko presidente bakoitzeko. Idazkaritzaren txostenaren arabera, ordea, mahaietako arduradunei ordaintzea ez da legezkoa.
Maije Zelaia EAJren bozeramailearen iritziz onartezina da 2019az geroztik Zizurkilgo gobernuko arduradunak araudia urratzen aritu izana, justifikatuta ez dauden zenbatekoak jasotzen. Osoko bilkuran jakinarazi dutenez, dirua itzultzea ez da eskatzen, baina horrek ez du salbuesten funts publikoak gaizki kudeatu izanaren erantzukizuna. Arauak errespetatzea eta funts publikoak behar bezala erabiltzea funtsezko printzipioak dira Zizurkilgo herritarrek beren gobernuarengan duten konfiantza mantentzeko. Gobernu taldeari erantzukizun eta gardentasun handienarekin jokatzeko eskatzen diogu.
Erantzukizunak eta neurri zuzentzaileak eskatu ditugu idazkaritzak mahai sektorialetako arduradunei egindako ordainketak legez kanpokoak direla berretsi ostean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!