Kirol egitasmoa asteburuan jokatu dute, 4x4 formatuan, nagusiki talde mistoetan, eta hiru joko eremutan. Bi maila zehaztu dituzte, gainera: bata, 16 urte azpikoa eta, bestea, 16 urtetik gorakoa. Hainbat taldek eman dute izena, eta lagunarteko kirol giroa izan da nagusi.
Argiñano jatetxeak irabazi du
Txapelketan parte hartu duen talde bakoitzak Zurekin elkarteko establezimendu bat ordezkatu du. Aurten, Urrezko ligan, Karlos Argiñano jatetxearen izenean jokatu duen taldeak irabazi du, eta Euskalduna jatetxea taldeak lortu du bigarren postua. Gaztelu kafetegia izan da hirugarren eta Eguzki taberna laugarren. Zilarrezko ligan, Argoin txiki erretegia nagusitu da, eta Hotel Zarautzentzat izan da bigarren postua.