Aurrerantzean, beraz, elementu naturalekin osatutako (egurra, lurra eta bi zuhaitz) eta haurren arteko harreman inklusiboak sustatzeko diseinatutako jolas-gune berriak erabilgarri daude.
Proiektua Zubimusu ikastolako zuzendaritzarekin adostu du Villabonako Udalak, ikasturtean zehar eremu hori ikastolako ikasleen jolastoki nagusia baita. Baina, era berean, egunero arratsaldez eta opor garaian, herritar guztiei zabalik dagoen espazioa dela gogorarazi du udalak, eta herriko familiei erabiltzeko deia luzatu die.
Egur birziklatuz sortutako plataforma eta modulu pedagogiko mugikorrak eraikitzeko eta bertan zuhaitzak landatzeko, guztira 9.962,8 euroko inbertsioa egin du udalak. Proiektua Izarraitzpe enpresak egin du.