Ekimen honen helburua da espezie inbaditzaile honek ingurumenean sortzen dituen kalteak saihestea eta bere hedapena murriztea.
Kanpaina honen baitan EVA motako 10 tranpa selektibo jarri dira Amasa-Villabonan zehar, eta pertsonentzat guztiz segurua eta inolako kalterik sortzen ez duen Avispaclak erakargarria erabili da. Dena den, udalak tranpa horiek ez ukitzeko edo ez manipulatzeko deia egiten die herritarrei. Ezinbestekoa da tranpa hauen osotasuna mantentzea ekimenaren arrakasta lortzeko.
Tranpatze epea martxoaren 10ean hasi zen eta apirilaren 21era arte luzatuko da. Amaieran, udalak Aldundira bidaliko ditu prozesuaren datuak.
Balerdipeko erleak enpresa arduratuko da tranpatze kanpaina hau garatzeaz, eta udalak 1.452 euro bideratuko ditu helburu honetara.