Udal-brigadako langileek mantentze-lanak egin dituzte Villabonako erdiguneko Amalurra Plazan.
Batetik, iturria eta plaza erdialdeko farola zaharra kolore zuriz margotu dira eta bestetik, urteen poderioz guztiz belztuta zeuden harrizko hormak eta lurzoruko baldosak sakonki garbitu dira presio handiko ur txorrotekin. Horrela, espazio publiko honen egoera asko hobetu da zalantzarik gabe.
Lan hauek etengabe herria hobetzeko, zaintzeko eta mantentze lanak egiteko Udalak duen konpromisoaren beste adibide bat dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
