Udaleko Ingurumen Sailaren ekimenak landareekiko errespetuzko jarrera berpiztu nahi du. Era berean, herritarrak beren etxeetako itxuraz eta osasunaz arduratzea sustatu nahi du.
Datozen egunetan epaimahaia herrian zehar ibiliko da
Lehiaketan parte hartzeko ez da aldez aurretik izena eman behar, nahikoa da etxeko balkoia loreekin apaintzea. Datozen egunetan epaimahaia herrian zehar ibiliko da eta balkoi eta terrazetako landareen kolorea, apaindura, itxura eta originaltasuna baloratuko ditu. Epaimahaia Udal ordezkaria, Ingurumen teknikaria eta lorezaintza enpresako kideek osatuko dute.
Hiru sari, uztailaren 25ean banatzeko
Atari Bizi lehiaketako sari banaketa uztailaren 25ean izango da, soka dantzaren ondoren. Irabazleari bi lagunentzako otordua eta Amasa-Villabonako dendan gastatzeko 150 euro emango zaizkio. Bigarren eta hirugarren sariak 100 euro eta 85 euro izango dira, hurrenez hurren, tokiko merkataritzan gastatzeko.
Udalak Atari bizi lehiaketan parte hartzeko deia egin die herritar guztiei.