Aldaketa horrekin Otelarre auzoko argiztapena hobetu da, gune ilunak ezabatuz eta zonaldea seguruagoa bilakatuz. Otelarreko bizilagunek, beraz, hobeto argiztatutako auzoa izango dute aurrerantzean.
Berritze horren beste lorpen esanguratsu bat energia-kontsumoa murriztea da. Argi-puntu berriek LED teknologia erabiltzen dute, eta kontsumo elektriko askoz baxuagoa dute. Horrek, epe ertainean aurrezpen ekonomikoa eragingo dio Udalari. Gainera, karbono-aztarna murrizten dutenez, ingurumena babesten laguntzen dute.
Udalak, guztira, 8.941,90 euro inbertitu ditu LED argi hauek erosteko eta udal-brigadako langileak arduratu dira argi-puntuak ezartzeko instalazio lanak gauzatzeaz.