5.700 bonu argitaratuko dira herriko merkataritza biziberritzeko
Udalak guztira 62.000 euroko inbertsioa egingo du Amasa-Villabonako merkataritza sustatzeko Kontsumo Bonuen 2023ko kanpainara, eta, guztira, 10 euroko balioa duten 5.700 bonu jarriko dira herritarren eskura. Horrela, erosle bakoitzak 3 kontsumo bonu lortuko ditu 20 euro jarrita, 6 kontsumo bonu 40 euroren truke, eta 9 kontsumo bonu 60 eurorengatik. Erosle bakoitzak, gehienez, 9 bonu erosi ahal izango ditu denda bakoitzean. Beraz, kontsumo bonuen erabileraren bidez, herritarrek erosketetan %33ko aurrezpena eduki ahal izango dute.
Kontsumo bonuak kanpaina honi atxikitako dendetan erosi beharko dira, eta derrigorrezkoa izango da 16 urtetik gorakoa izatea. Bonu hauek edozein bezerok erosi ahal izango ditu, bizilekua edozein delarik ere.
Saltokien izen-ematea, ekainaren 30era arte
Kanpaina honetara atxiki nahi duten merkatariek izena eman ahal izango dute ekainaren Villabona.eus webgunean argitaratuko den formularioaren bidez. Izena emateko azken eguna 2023ko ekainaren 30a izango da.