Kale Berriko ur hoditeria aldatzeko lanek Donostiarako noranzkoan doazen autobus geltokietan eragina izan dute. Obrak hasi zirenean geltoki bakarra ezarri behar izan zen Villabonan, kale Berria 10-12 parean, hain zuzen ere. Honek herriko zenbait autobus erabiltzaileen artean haserrea eta ezinegona sortu zuen, geltokiraino iristeko distantzia handia ibili behar zutelako.
Gauzak horrela, Amasa-Villabonako Udala Gipuzkoako Foru Aldundiko Mugikortasun sailarekin eta Lurraldebus-ekin harremanetan jarri zen herritarren kexei erantzun bat emateko eta egoerari irtenbide bat topatzeko. Udalaren eskaerari erantzunez, autobus Villabona erdialdean geltoki berri bat gehitzea lortu da. Asteazken goizean hasita (otsailak 8 goizean), Donostiarako noranzkoan doazen autobusak hartzeko behin behineko geltoki berria Gaztelekua eta Subijana etxearen arteko espaloian egongo da.
Asteazkenetik aurrera, beraz, 2 geltokitan geratuko dira Donostiarako noranzkoan doazen autobusak: orain arte bezala, kale Berria 10-12 parean, eta Gaztelekua eta Subijana etxeen arteko espaloian.
Gogorarazten da geltoki hauek behin behinekoak direla, kale Berriko obrak amaitzen direnean ohiko autobus geltokiak erabilgarri jarriko direlako berriro.