Udalak UEMAren Bertatik Bertara egitasmoan parte hartuko du

Erabiltzailearen aurpegia Amasa-Villabonako Udala 2022ko eka. 22a, 13:09
Euskal Herriko hainbat herritan bideratuko den kanpaina honen bitartez ostalariak, tabernariak eta bezeroak euskara gehiago erabiltzera animatu nahi dira.
 
UEMAk mahai gaineko manteltxoak prestatu ditu eta bertan 6 hizkuntzatan agertzen dira ostalaritzan sarri erabiltzen diren hitz eta esamolde batzuk. Gainera, QR bidez hiztegitxo bat deskargatzeko aukera eskaintzen du.
 
 
Horretaz aparte, informazio-orri bat ere banatuko da ekimen honetan parte hartzeko prest agertu diren herriko ostalarien artean, bezeroak ikusteko moduko tokiren baten jarri dezaten.
 
Eta ostalariei bidali zaien gutunean zerbitzua eskaintzerakoan ahoz ere euskararen erabilera bultzatzeko gonbita egiten zaie eta, bide batez, euren lokaletako hizkuntza paisaian (karteletan, menuetan, oharretan, web orrietan…) euskara gehiago erabiltzeko laguntza ere eskaintzen zaie; UEMAra bertara deituta (943 81 66 99) edo Amasa-Villabonako Udaleko Euskara Zerbitzura (943 69 21 00 – Luzp: 3329).
 
Informazio gehiago: www.uema.eus


Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!