Ongi etorri errefuxiatuak!

Erabiltzailearen aurpegia
Gaur, ekainaren 20an, Errefuxiatuen Nazioarteko Eguna da eta Amasa-Villabonako udalak mezua kaleratu nahi izan du.
Amasa-Villabonako udalaren izenean, gure elkartasun osoa helarazi nahi diegu gerratik, miseriatik, zapalkuntzatik, gosetik, klima aldaketak eragindako hondamendietatik... ihes egiteko, beren etxea eta lurraldea utzi behar izan duten pertsona errefuxiatu guztiei. Inork ez du bere borondatez sorterria uzten, eta horretara behartuta aurkitzen direnen giza eskubide guztiak errespetatu behar direla aldarrikatzen dugu. Ez dugu sekula ahaztu behar, hainbat garaitan (batez ere XIX eta XX. mendeetan) euskaldunak ere errefuxiatuak izan ginela.

Zentzu horretan, mugak gotortzera eta harresiak eraikitzera mugatzen diren Europar Batasunaren eta espainiar estatuaren inmigrazio politika ankerretan aldaketa sakonak ematea beharrezkoa da, errefuxiatuentzat korridore humanitarioak zabalduz. Soilik horrela lortu daiteke Mediterraneo itsasoa hilobi izugarri bat izatea ekiditea.

Amaitzeko, eskerrak eman nahi dizkiegu errefuxiatuei laguntzen dieten elkarte guztiei eta aipamen berezia egin nahi diogu hemen Gipuzkoan lan handia egiten ari den ZEHAR ekarteari.

Amasa-Villabona harrera herria da, ongi etorri errefuxiatuak!


Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!