Urteko festa egun honetarako, Udaleko Ingurumen sailak eta Amasamendiko abeltzainen elkarteak goizeko 11:00etan jarri dute hitzordua, Komizar parkean. Ordu horretan larretze garaiari hasiera emango zaio, eta abereak Komizar parkera sartuko dira. Ondoren, trikitilariez girotutako hamaiketakoa egiteko aukera izango dute bertaratzen direnek.
Amasako abeltzainek, guztira, 125 behi, 638 ardi, 45 zaldi eta 40 ahuntz utziko dituzten aske Amasamendiko larre publikoetan. Azpimarragarria da Gipuzkoan dagoen onura publikoko mendi-eremu handienetariko bat dela Amasamendi, eta larreratuko diren 800 abelburuek herriko larreak garbi mantentzeko egiten duten lana ezinbestekoa dela.
