Errusiak Ukraina militarki eraso zuenetik ehunka mila pertsonak ihes egin dute herrialde hartatik Europar Batasuneko hainbat estatuetara, eta udaleko Gizarte Zerbitzuen sailarekin adostasunez, udal gobernuak gizarte larrialdietarako duen etxebizitza eskaintzea erabaki du.
Eusko Jaurlaritzak, EUDELek (EAEko udalen elkarteak) eta Migrazio, Gizarteratze eta Gizarte Segurantza Ministerioak, udalei eskuragarri dituzten harrera espazioen berri emateko eskaintza egin zien pasa den astean eta Amasa-Villabonako udalak eskaintza ofiziala egin du gaur. Etxebizitza horretan 4 pertsonako familia batentzat lekua dago eta bizitza duin bat garatzeko baliabide guztiak ditu. Datozen egunetan jakingo da etxebizitza horretara ukrainar familiarik bideratuko den edo ez. Errefuxiatuak etortzen badira, udaleko Gizarte Zerbitzuen saila eta herriko boluntarioek osatzen duten Elkartasun Sarea beharrezko laguntza guztia eskaintzeko prest daude.
Honekin, udalak bere eskuetan duen elkartasun ekarpena egin nahi izan du, egoera humanitario larria bizi duten milaka errefuxiatuei laguntza xume bat eskainiz.