Jardunaldiak, ostegunean, otsailaren 24an, hasiko dira eta Udaleko balio anitzeko gelan izango dira, doan.
Tailer hauen helburua zaintzaileei beren burua zaintzeko, atseden hartzeko, eta egoera berean dauden beste pertsonekin kezkak eta zalantzak partekatzeko gune bat eskaintzea da. Horretarako, harreman emozionalak, komunikazioa eta arazoen konponbidea lantzeko dinamikak eta jolasak egingo dituzte. Horrez gain, estresa kontrolatzeko teknikak, muskuluak erlaxatzeko ariketak eta autokontrolerako baliabideak landuko dira.
Ikastaroa Saioa Garmendia monitoreak emango du. 25 urteko esperientzia dauka eta ongizate emozionalean aditua da.
Prestakuntza ostegunean hasiko da, hilaren 24an, da eta maiatzera arte luzatuko da. Hilean bi ostegunetan izango dira saioak, 16:00 – 18:00 ordutegian.
Izena eman nahi duenak 655 701 203 telefono zenbakira deitu beharko du.