Villabonako I Azoka Ekologikoa, igandean, Erreboteko plazan

Erabiltzailearen aurpegia
Lehenengo aldiz Amasa-Villabonan, azoka ekologikoa antolatu dute hilaren 31rako, Udaleko Ingurumen sailak, Biolur elkarteak, Ekolurra-ENEEK etaTolomendi elkarteak elkarlanean.
 
Azoka berezi honetara ekarriko diren produktu guztiak modu ekologikoan ekoiztutakoak izango dira; beraz, bertaratzen diren herritarrek natura errespetatuz eta inolako kalterik eragin gabe ekoiztutako produktuak erosteko aukera izango dute. Gainera, ekoizleak izango dira postuetan salmenta lanak egiten, horrela, zuzeneko (bitartekorik gabeko) salmenta sustatu nahi du Udalak.
 
Guztira, modu ekologikoan ekoizten duten 16 postu edo ekoizle izango ditugu Erreboteko plazan igandean: ogia, gozoak, gazta, arropa, eztia, barazkiak, kontserbak, fruta… 

Bestalde, Javi Rivero sukaldari billabonatarrak sukaldaritza ikuskizuna eskainiko du, ondoren jateko pintxo goxoak egongo direlarik. Berdura plazan produktu ekologikoekin osatutako jatekoa eta edatekoa dastatzeko aukera izango da.
 
EGITARAUA
  • 10:00-14:00 Azoka ekologikoa Erreboteko plazan
  • 12:00 Show cooking Javi Rivero sukaldariaren eskutik
  • 12:00-14:00 Kantina Berdura plazan
Amasa-Villabonako Udaletik, igandean Azoka Ekologikora gerturatzeko gonbidapena egiten diegu herriko eta inguruko herrietako herritarrei.

Anima zaitezte eta zatozte azoka berezi honetara!


Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!