Ikastetxeko zuzendaritzak proposatu bezala, eraikinaren sarreran 100 m2-ko azalera duen estalpea eraiki du Udalak, ikasleak oporretan izan diren bitartean. Horrela, ikasturte berria hasterako, haurrak, eta kanpoaldean zain izaten dituzten gurasoek, eguraldiaren gorabeheretatik babesteko aukera izango dute.
Urbycolan S.L. enpresari esleitu zaizkio lan hauek, eta, guztira, 47.492,16 euro bideratu dira proiektu honen exekuziora. Eusko Jaurlaritzako Hezkuntza Sailetik, ordea, 27.646,08 euroko laguntza jasoko du Udalak.