Udalak begiraleak behar ditu udaleku irekietarako

Erabiltzailearen aurpegia
Amasa-Villabonako Udalak udaleku irekiak antolatu ditu HH2 eta LH4 urte arteko haurrentzat. Uztailaren 1etik 21era bitartean izango dira, eta bertan begirale lanetan aritzeko lan eskaintza zabaldu da. Interesatuek maiatzaren 26ra arte daukate izena emateko aukera.
Deialdian parte hartzeko derrigorrezkoa izango da bi baldintza hauek betetzea:
  • 18 urte izatea, edo 2021 urtean betetzea.
  • Euskara ondo menperatzea.
Izena emateko aurkeztu beharreko dokumentazioa:
  • NANaren kopia bat
  • Curriculum Vitae-a, ikasketa ziurtagiriarekin.
  • Aisialdirako begirale edo zuzendari titulua.
Izena emateko azken eguna maiatzaren 26 da, eta Udaletxeko Herritarren Arreta Zerbitzuan (HAZ) eman beharko da, goizeko 09:00etatik 14:00etara, edo Gaztelekuan, 16:30etatik 18:30etara.
 
Argibide gehiagorako gazteria@villabona.eus helbidera idatzi edo 691 366 502 telefono zenbakira deitu.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!