Landaketa lan hauek Onddo-ko borda ondoko lursailetan egingo dira, bertan zegoen pinudia matarrasa bidez moztu da eta orain bertako zuhaitz espezieak landatuko dira. Modu horretan zonalde horretako berezko naturaren berreskurapena lortuko da.
- DEIALDIA: Martxoak 6 larunbata, 08:00etan Amasako plazan. Auzolana goizean zehar egingo da eta bazkalordurako amaituko da.
- IZEN EMATEA: Otsailaren 22tik 26ra http://villabona.eus/eu/ webguneko lehen orrian egongo den galdetegia bete behar da.
Udalak baliabide guztiak jarriko ditu auzolana behar bezala garatu dadin: Onddo ingurura igotzeko autoa, tresneria, landareak etab.
Ingurumen sailak auzolan eder honetan parte hartzeko deia egiten die Amasa-Villabonako herritarrei: "denon artean gure ingurune naturala berreskuratzeko parada dugu, anima zaitez!".