Gaur, abenduaren 5a, Boluntariotzaren Nazioarteko eguna da eta udalak bere aitortza eta esker ona helarazi nahi dizkie beren denbora librean boluntario gisa besteei laguntzen aritzen diren pertsona guztiei.
Amasa-Villabonako udalaren izenean, aurten bereziki eskerrak eman nahi dizkiegu konfinamenduan zehar adineko pertsonei erosketak egiten laguntzen aritu ziren herriko dozenaka boluntarioei eta azken hilabeteetan sortu den Amasa-Villabonako Elkartasun Sarean lanean aritzen diren guztiei.
Elkartasun eta maitasun erakustaldi ederra egin dute urte bereziki gogor honetan eta udalak lan hori aitortu eta balioan jarri nahi du.
Ezinbestekoak eta hoberenak zarete. Eskerrik asko bihotzez!!!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
