Aurten ez da San Joan surik izango Erreboteko plazan, horren ordez etxeetatik ikusteko ekimen berezia antolatu da

Erabiltzailearen aurpegia Amasa-Villabonako Udala 2020ko ekainaren 18a

Jakina denez, Covid-19aren osasun larrialdi egoeraren ondorioz jende pilaketaketak saihestu eta pertsonen arteko bi metroko distantzia mantendu behar da. Hori horrela izanda, ezinezkoa izango da ohiko San Joan sua antolatzea Erreboteko plazan.

Horren ordez, herriko hainbat boluntarioren laguntzarekin ekimen berezi eta berritzaile bat garatuko da.
Honakoa da deialdia:  
 
  • Ekainak 23 asteartean, 21:30etatik aurrera adar hotsa entzutean irten balkoira kandela edo argitxo batekin.
Bestalde, Villabonako Gema loradendan (kale Nagusia 30) San Joan erramua eskuratu ahal izango da (borondateren truke) eta etxe atariak edota balkoiak apaintzeko gonbidapena luzatzen dugu, kondaira zaharrak dioenez erramuak gaitzak usatzen ditu eta.
 
* Udaletik dei berezia egin nahi diegu herritarrei: Mesedez, ikuskizuna etxeetatik (balkoi eta leihoetatik) ikusi ezazue eta ez zaitezte kalera jaitsi. Kalean jende pilaketak gertatzen badira, ekimena bertan behera uztera behartuta egongo da udala.


Gizartea Amasa-Villabona

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!