Hasiera batean bonoen salmenta ekainaren 30era luzatuko zela iragarri bazen ere, bonoen salmentaren erritmo azkarra dela medio, ekainaren 11n bonoak bukatu ziren eta ondorioz salmenta postua itxi da.
Udalak ekimen honetarako ezarritako 30.000 euroko aurrekontua amaitu da eta guztira 10.000 bono banatu dira herritarren artean. Beraz, ziurtason osoz esan daiteke kanpaina honen bitartez gutxienez 100.000 euroko kontsumoa bideratu dela parte hartu duten herriko 32 dendetara. Bada zerbait!
Amasa-Villabonako udalak bere harrotasuna eta poza adierazi nahi ditu, Covid-19aren krisiak gehien kolpatu duen herriko merkataritzari bultzada bat emateko helburuarekin jaio zen ekimen honek izan duen herri erantzun apartagatik. Azkenik, eskerrak eman nahi dizkiegu bonoak erosiz herrian kontsumitu duten guztiei, parte hartu duten dendariei eta ekimen honetan buru belarri lanean aritu diren udal langileei.
Eskerrik asko denei!