Egoera ekonomiko larria bizi duten familientzako elikagaiak eta oinarrizko beharretarako produktuen bilketa egitea, eta hurrengo astean produktu horiek behar dituztenei banatu ahal izatea da, udalak ekimen honekin lortu nahi duen helburua.
Bilduko diren oinarrizko produktuen zerrenda:
- Elikagaiak: Esnea, jaioberrientzako esne-hautsa, gailetak, kakaoa, dilistak, azukrea, arroza, olioa, garbantzuak, atuna, pasta, tomatea, sardinak, babarrunak,…
- Eskolako lanetarako materiala: koadernoak, boligrafoak, arkatzak, pinturak, borragomak, txorroskiloak,…
- Higiene pertsonaleko produktuak: xanpua, bainurako gela, pixoihalak, konpresak, …
Produktuak herriko saltoki hauetan utzi ahal izango dira:
Adarra fruta denda, Baratz fruta denda, Barcina gozo denda, Basajaun liburu denda, Eguzki Lore janari denda, Eko-Tolosa fruta denda, Errezil pentsuak, Farmazia Berria, Fernandez Uranga Farmazia, Garmendia harategia, Kazetaria, Kinpira belar denda, Labezain okindegia (Arroa), Musturinea harategia, Pepi janari denda, Sahatsa belar denda eta Tinta inprimategia.
Udaletik eskerrak eman nahi dizkiegu bilketa kutxa jartzeko prestutasuna azaldu duten dendari guztiei.
Larunbatean kaleko bilketa:
Ekainaren 6an larunbata, 10:00etatik 14:00etara BM eta Eroski supermerkatuetako kanpoaldean bilketa guneak ezarriko dira. Bertan hainbat boluntario egongo dira jendeari informazioa banatzeko eta produktuak biltzeko.