Udalak terrazetako mahaien artean 3 metroko distantzia ezarri du eta terrazen azalera handitzea baimendu du

Erabiltzailearen aurpegia

Udalak, udaltzaingoarekin batera hainbat neurri hartu ditu tabernetarako ezarri diren segurtasun neurriak zorrotz betetzeko eta egoera larria bizi duten tabernariek jarduera ahalik eta modu duinenean garatu ahal izateko. 

Udalak herriko tabernen terrazetako mahaien arteko espazioa 3 metrora handitzeko neurriak hartu ditu, pertsonen arteko 2 metroko segurtasun distantzia errespeta dadin.
 
Larrialdi egoera honetan sektoreak pairatu behar izan duen egoera zail honetan tabernariei laguntzeko, terrazei leku gehiago okupatzeko baimena eman zaie, mahai kopurua ahalik eta gutxien murriztu dadin.
 
Terrazei aplikatu zaizkien neurri berezi hauek ez-ohikoak eta behin behinekoak dira. Deskonfinamendua amaitzean, terrazak aurreko egoera normalera bueltatuko dira.
 
Ordutegiei dagokionez, ez da aldaketarik egon eta terrazen araudiak garai honetarako ezartzen duen ordutegia mantentzen da: beranduenez 23:00ak arte egon daiteke terraza zabalik.
 
Amasa-Villabonako udaletik, arduraz jokatzeko deia egiten diegu bai tabernariei eta baita bezeroei ere. Tabernariek bete beharreko neurriak (betez ere ezarri diren neurri higienikoak) zorrotz bete behar dituzte eta bezeroek ere pertsonen arteko 2 metroko segurtasun distantzia beti mantendu behar dutela izan behar dute gogoan. 
 
Izan arduratsuak!


Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!