2020ko parte hartze prozesuari eta herri galdeketari buruzko bigarren batzar irekia astelehenean Subijana etxean

Erabiltzailearen aurpegia Amasa-Villabonako Udala 2020ko ots. 10a, 15:24

Amasa-Villabonako udalak, datozen hilabeteetan garatzeko asmoa duen herritarren parte hartze prozesuari eta herri galdeketari buruzko bigarren batzar irekia antolatu du otsailaren 17an astelehena, 19:00etan Subijana etxeko aretoan.
 

Batzar honek bi puntu nagusi izango ditu:
 
1. Udalak lehen batzarrean aurkeztutako proposamenari buruzko ekarpenak biltzea.
Udalaren proposamena: DESKARGATU
 
2. Udalak martxan jarri nahi duen komunikazio tresna berriaren aurkezpena: App-a.
Udalak, telefono mugikorretarako Amasa-Villabonarako Aplikazio (App) berri bat jarriko du martxan. Aplikazio hau oso erabilgarria eta eraginkorra izan daiteke herriko elkarte eta eragile guztientzat, izan ere, aplikazio honek aukera ederrak eskainiko ditu edozein elkartetan egiten denari difusioa emateko eta baita elkarteko kide eta ingurukoen arteko barne komunikazio sareak eraikitzeko ere. Puntu honetan aplikazio honek eskainiko dituen erabilerarako aukera ezberdinak aurkeztuko dira, modu praktiko batean.
 
Batzar Irekirako deialdia
  • OTSAILAREN 17an ASTELEHENA, 19:00etan Subijana etxean


Politika Amasa-Villabona

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!