Asteburuan emakume pilotariak izango dira protagonista

Erabiltzailearen aurpegia Amasa-Villabonako Udala 2020ko ots. 5a, 12:28

Amasa-Villabonako udalak emakumeen kirola sustatzeko hainbat ekimen antolatuko ditu 2020. urtean zehar. Genero berdintasunaren aldeko dinamika oso baten baitan, kirolean (ia kirol guztietan) emakumeek pairatzen duten bazterketari aurre egitea elementu garrantzitsua izango da.

Zentzu honetan, asteburu honetan gure herriko bereizgarri garrantzitsuenetakoa den pilota kirolean ere, berdintasunaren aldeko sentsibilizazioan eragitea izango da antolatu diren ekimenen helburua.

Emakume pilotariak protagonista izango diren bi ekimenak:
 
  • Ostirala 19:00etan Gurea zinean
Las pelotaris film dokumentalaren emanaldia eta ondoren solasaldia emakume pilotariekin: Anne Maiza eta Miriam Arrillaga pilotariak izango dira hizlariak.
 
  • Larunbata 17:00etan Villabonako Behar zana pilotalekuan 
Emakume Marter Cup txapelketako Eskuz binakako Pilota Goxua modalitateko kanporaketak.

Guztira lau pilota partidu izango dira:
1.
Adriana Salat - Miriam Ballesta
Nerea Sagarna - Haizea Marijuan
2.
Maialen Magunagoitia - Ione Mateo
Arantxa Arratibel - Aisha Etxeberria
3.
Amaia Zarrabeitia - Izarne Oiarzabal
Aizane Ibarrola - Eider Zubizarreta
4.
Aiora Armendariz - Haizea Salanueva
Nagore - Leire Galeano
 
Amasa-Villabonako udalaren izenean, ekimen hauetara gerturatzeko gonbidapena luzatu nahi diegu herritar guztiei.


Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!