Udalak neurriak hartuko ditu Kale Nagusia arratsaldez oinezkoen gunea izan dadin

Erabiltzailearen aurpegia Amasa-Villabonako Udala 2019ko abe. 23a, 14:43
Amasa-Villabonako udalak neurri bereziak hartu ditu Kale Nagusian arratsaldez izaten diren segurtasun arazoei irtenbide bat eman eta eremua oinezkoen gunea izan dadin. Kamera bidezko sistema baten bidez, 15:00etatik aurrera Kale Nagusiak sarrera mugatua izango du, baimenduak diren ibilgailuak soilik sartu ahal izango direlarik. Sistema hau datorren urtarrilaren 7an jarriko da martxan eta baimendua izateko eskaera egiteko epea abenduaren 23tik 30erakoa izango da.
Udalak lehenik Bando baten bidez eta ondoren etxeetara banatutako informazio orrien bidez jakinarazi du trafiko neurri berri hauen berri. Hau da informazio eskuorriaren edukia:

HELBURU NAGUSIAK:

- Kale Nagusia arratsaldez oinezkoentzat soilik izatea, oinezkoen segurtasuna bermatuz. Batez ere haurrak eta pertsona nagusiak Kale Nagusian lasaitasunez egon eta ibili ahal izatea.

- Kale Nagusia, Errebote plaza eta herriko alde zaharra gune atseginagoa izatea. Erosketak egiteko, paseatzeko, jolasteko...

- Herria trafikoaren edo autoen beharren arabera antolatu beharrean, herritar oinezkoen arabera antolatzea, oinezkoei lehentasuna emanez.

TRAFIKO NEURRIAK:

- Kale Nagusia: Oinezkoentzako gunea da.

- Zamalana baimendua 8:00etatik 15:00etara. Astearteak eta jai egunetan izan ezik. Egun hauetan debekatuta dago autoekin kalean sartzea (astearteetan azokako saltzaileek soilik sartu ahal izango dute).

- Debekatuta dago 15:00etatik aurrera Kale Nagusian autoarekin sartzea. Soilik baimenduek sartu ahal izango dute.

- Gomendatutako abiadura: 10 km/h

- Debekatuta dago klaxona edo bozina jotzea.

- Neurri hauek ez die bizikletei, patinei edo patineteei eragiten.

KONTUAN HARTU BEHARREKOAK:

• Neurri hauek Kale Nagusian soilik aplikatuko dira. Gaur egun piboteak ezarrita dauden lekutik aurrera. Urtarrilaren 7tik aurrera ez da piboterik izango, kendu egingo dira.

• Baimendua izan gabe, larrialdi bategatik edo arrazoi berezi justifikatu bategatik Kale Nagusitik autoan pasa behar izanez gero, Udaltzaingoari deitu beharko zaio pasatu aurretik. 
Udaltzaingoaren telefonoa: 943 69 39 80

• Ezarri den kamerak ez du etengabe grabatzen, soilik auto bat pasatzean aktibatzen da eta Kale Nagusira sartzen den autoaren matrikulari argazkia ateratzen dio. Pertsonen pribatutasuna beti errespetatuko da.

BAIMENDUA IZATEKO ESKAERA EGITEKO EPEA:
Abenduaren 23tik 30era. Amasa-Villabonako Udaltzaingoaren bulegoan (Errebote plazan).
 

NEURRI HAUEK URTARRILAREN 7an JARRIKO DIRA INDARREAN
 
 
Amasa-Villabona

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!