2020rako Ordenantza Fiskalak onartu dira udalbatzan

Erabiltzailearen aurpegia Amasa-Villabonako Udala 2019ko ira. 26a, 15:29
Pasa den astearteko udalbatzaren osoko bilkuran, udal gobernuak aurkeztu eta proposatutako 2020rako Ordenantza Fiskalak onartu ziren talde politiko guztien babesarekin. Udalak tasa, zerga eta udal zerbitzuengatik ordaindu beharreko kuotei %1,16ko igoera orokorra aplikatzea adostu du, portzentaia hori 2019ko urtarriletik uztailera bitarteko KPI-aren (Kontsumorako Prezioen Indizea) bataz bestekoa delarik. 
Honakoak dira 2020ko Ordenantza Fiskaletan aplikatuko diren aldaketa nagusiak:

IGOERA OROKORRA:
%1,16 (2019ko urtarriletik uztailerainoko KPIaren bataz bestekoa)
 
HOBARIEN IGOERAK
 
Hiri Ondasun Higiezinen Gaineko Zerga (IBI):
 
• Eguzki energiaren aprobentxamendu termiko edo elektrikorako sistemak instalatuta dituzten ondasun higiezinetarako: %50eko hobaria (GFA-ak baimentzen duen topea)

• Eusko Jaurlaritzaren Bizigune programa edo antzekoetan dauden ondasun higiezinak: %50eko hobaria (GFA-ak baimentzen duen topea)
 
Eraikuntza, instalazio eta obren gaineko zerga (ICIO):
 
• Eraikuntza, instalazio edo obretan eguzki energiaren aprobetxamendu termiko edo elektrikoa ahalbidetzen duten sistemak ezartzen badira: %95eko hobaria (topea)

• 10 urte baino gehiago duten eraikinetan igogailuak jartzea: Ez da ezertxo ere ordaindu beharko, aplikatuko zaien karga-tasa obraren aurrekontuaren %0-koa izango baita.

• Eraikuntza, instalazio edo obrek pertsona ezinduen irisgarritasun eta habitagarritasun baldintzak errazten dituztenean: %90eko hobaria (%50etik %90era igotzen da)
 
HOBARI BERRIAK:
 
• Kiroldegiko matrikula, kuotak eta ikastaroak: LGS (Laneko Gutxieneko Soldata/Salario mínimo Interprofesional) baino diru-sarrera txikiagoa duten familia unitateei, gaur gaurkoz: urtean 12.600 euro gordin. Baldintza hau betetzen duten familia unitateetako kideek %90eko hobaria izango dute kiroldegiko zerbitzu guztietan. 

• Udalekuak "Oporretan euskaraz": LGS (Laneko Gutxieneko Soldata/Salario mínimo Interprofesional) baino diru-sarrera txikiagoa duten familia unitateei, gaur gaurkoz: urtean 12.600 euro gordin. Baldintza hau betetzen duten familia unitateetako kideek %90eko hobaria izango dute udalekuetan izena emateko ordaindu beharreko kuotan.
 
Kiroldegia: Matrikularen prezioak eta 3 hilabeteetako ikastaroetako kuotak berdin mantenduko dira, ez dute igoerarik izango. Beste kuotek %1,16ko igoera izango dute eta urte osoko ikastaroetakoek %5ekoa. Izan ere, desoreka nabarmena zegoen urte osoko ikastaroen eta 3 hilabetekoen prezioetan eta kiroldegiko kudeaketa arduradunen gomendioei jarraiki, urte osoko ikastaroetan prezio igoera handiagoa egin da 3 hilabetekoak bere horretan utziz. 
 
Igoera berezia: Banketxeek kalean dituzten kutxazain automatikoei ezartzen zaien zerga espazio publikoaren erabileragatik: Kutxazain bakoitzeko urtean 425 euroko tasatik, urtean 500 eurora igo da: %17,6ko igoera.
 
Udalbatzak onartutako Ordenantza Fiskalen txostenaren dokumentua HEMEN: http://villabona.eus/images/02_ORDENANTZA_FISKALAK_2020.pdf


Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!