Amasako Iturrigoxo taberna-jatetxearen irekiera

Erabiltzailearen aurpegia
Ostegun honetan, hilak 5 arratsaldeko 19:00etan zabalduko da Amasako Iturrigoxo taberna-jatetxea. Irekiera edo inauguraziora bertaratzeko gonbidapena zabaldu dute eta bertan pintxoak zein edariak dastatzeko aukera izango da.
Pasa den urteko abenduaz geroztik taberna itxita egon ondoren, abuztuaren 12an amaitu zen jatetxearen ustiaketa esleitzeko prozesua, Beatriz Unzue Amasa-Villabonako alkateak eta arduradun berriak kontratua sinatu zutenean.

Idoia Murillo billabonatarra izan da lehiaketa publikoa irabazi duena eta ondorioz jatetxe-taberna ustiatzeko ardura hartu duena. Azken asteetan lokala prestatzeko lanetan aritu dira eta dagoeneko osatu dute Iturrigoxoko lan-talde berria.

Amasa-Villabonako udalaren izenean, zorterik onena opa diegu Idoia Iturrigoxoko arduradunari eta bertako langile berriei.
Animo eta aurrera!



Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!