Maila guztietako ikastaroak eskainiko dira, goizez eta arratsaldez, Villabonan eta Zizurkilen: AISA ikastaroak etorkinentzat, A1, A2, B1, B2, C1 mailak eta gurasoentzako ikastaroak ikastetxeetan, haurrak eskolan dauden bitartean. Ikastaroak emateaz Andoaingo AEK arduratuko da.
Euskara ikastea doakoa:
Amasa-Villabonako Udalak jakinarazi duenez, euskara ikasi nahi duen herritarrak ikastaro bukaeran dirulaguntza jasotzeko aukera izango du. Horrela, B2 maila arte, hau da, oinarrizko komunikazio maila lortu arte, matrikularen %100 jasoko du baldintza guztiak betetzen dituen herritarrak, eta C1/C2 mailak eginez gero, %75a.
Euskara ikastaroei buruzko informazio gehiago jaso nahi izanez gero, Amasa-Villabonako Udaletxeko Herritarren Arreta Zerbitzura dei dezakezue 943 692100 telefonora, edo Euskara Zerbitzura 3329 luzapenera. Bestela, euskara@villabona.eus helbidera ere mezu bat bidal dezakezue.