2026eko jaialdiaren gaia Euskal Musika hamarkadaz hamarkada izango da. Gai honen bueltan maila ezberdinetako ikasleek ikuskizun ezberdinak prestatu dituzte. Bestetik, ikastolak bere bere dituen balore euskaltzaleak, hezkidetzaileak... islatzeko ekimen sorta antolatu da.
Guzti honen isla izan da, Uzturpeguna antolatzeaz arduratzen den batzordeak sortu duen egitarau zabal bezain oparoa. Goizeko 11:00etan, Belabieta Kiroldegian, ikastolako ikasleek ilusio handiz prestaturiko jaialdia izango da ikusgai. Ondoren, 13:00etan Pilota txapelketako finalak ospatuko dira frontoian. Jarraian, 14:00etan Ikastolako aterpean bazkari herrikoia izango da. Bertaratuko diren jankideei bazkarirako mahai tresna eta mahai-zapiak beraiek ekarri behar dituztela gogorarazten diegu. Bazkal ostean ekimen ugari prestatu dira haur, gazte eta helduen gozamenerako. Hala nola, 15:30ean Photocall gunea egongo da eta 16:00etan Toka txapelketa ospatuko da. 16:00etan ere Berbena egongo da Loatzoren eskutik eta amaitzeko 18:30etan Txaranga egongo da Isidro Larrrañagaren eskutik.
Uztupe Ikastolak Ibarrako herritar guztiak gonbidatzen ditu egun zoragarri honetaz gozatzera. Ikasle ohiak ere gonbidatuta zaudete! Animatu!