Ibilbidean zehar zazpi txoko aukeratu dituzte eta txoko bakoitzean istorio bat kontatu dute ikasleek. Horretarako, Mihurak, Suak, Urak eta Desirek duten magiaz busti dituzte umeak. Landareen izate magikoaz, suak Amalurrari ematen dion indarraz, urak duen garbitzeko propietateez eta familiak eskaintzen digun babesaz hitz egin digute. Ibilbidea Uzturpe ikastolan hasi dute, eta Egi Baserriaren ondotik jarraitu ondoren, Etxezarretako Baserrian geldialditxoa egin dute. Antzinako garbitegian uraren kontakizunak azaldu dituzte eta Argitxoren etxean bukatu dute. Oso gustura aritu dira, bai gure antzezle gazteak eta baita gure ikastolako txikiak ere. Magiaz gozatzeaz gain, euskal kulturaz blaitu dira gure ikasleak!
DBH3 eta DBH 4ko antzerkiko ikasleek Gabonetako ibilbide berezia eskaini diete Lehen Hezkuntzako 1, 2, 3 eta 4 mailetako ikasleei. Olentzaroan gertatzen diren naturaren zikloak, gure arbasoek zituzten ohiturak eta berreskuratu nahi ditugun ohituren inguruan aritu dira. Iaz hasi ziren ibilbidearekin, eta aurten, eguraldia lagun, naturan zehar egin ahal izan dute.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!