Aurtengo Elkartasun Kilometroa Donamartiriko Arberoa ikastolako ikasleen alde egingo dugu. Ikasleekin batera diru bilketa egingo dugu eta astelehenean, martxoak 31, 15:15etik 16:30era, elkartasuna erakutsiz plazan hasi eta bukatuko den ibilbide zirkularrean bueltaka arituko gara.
Duela hilabete batzuk sute batek Donamartiriko (Nafarroa Beherea) ikastolako hiru eraikinetako bat erre zuen. Azpiegiturako eraikinik zaharrenaren teilatua eta barnealdea kiskali zituen eta bertan ziren, besteak beste, 3 eta 6 urteko haurren ikasgela eta irakasleen bilera gela.