Uzturpe ikastola, '50 urte elkarrekin' argazki erakusketa

Erabiltzailearen aurpegia

Gure komunitate osoaren oroimenean hainbat eta hainbat istorio ditugu gordeta eta tartean nola ez! Beti gure ikasleak.

Omenaldi txiki bat egin nahi izan diegu ikasturte guzti hauetan zehar gure ikasle izan direnei eta lortu dugu erronka!

Erakusketa xume honetan 1970-2020 ikasturte arteetan zehar gurekin izan diren uztak topatuko dituzu. Guztion elkarlanari esker, uzta bakoitzeko bina argazki lortu ditugu!

Erakusketa honek ordea, jarraipena izango duelakoan gaude, asko baitira ikastolan, etxeetan jasota ditugun argazkiak. 

Agurtzeko, erakusketako argazkiak ikustean sortzen zaizkizuen oroitzapen, istorio, aipamenak horretarako jarri dugun liburuxkan idaztea eskatu nahi dizuegu; elkarrekin Uzturperen historiak beste hainbat urteetan zehar bizirik iraun dezan.

Kultur etxeko areto nagusian ikusi daiteke otsailaren 2ra arte:

  • Goizez 10:30 - 13:00 (Astelehen goiza itxita)
  • Arratsaldez 16:00 - 20:00 (Astelehen eta asteazkenetan 21:00ak arte)

Mila esker eta gozatu!!

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!