Jada ondu dan sagardo berriz
kupelak ezin kabitu
txotxak zabaldu dituzte eta
ohitura zaharra kunplitu.
Urtarrileko aldapaz nahiz ta
kontu ugari aditu
urte haserak bere txarrian
gauz onak ere baditu.
Kupel onduan abesti, bertso
eta zenbat berriketa.
«Gutxi ta maiz»ko horrek atzetik
badu bere gogoeta.
Pasatu gabe egin zazue
sagardotegiko buelta
gauz denen gisan gauz onek ere
beren neurria dute ta.
Doinua: Norteko ferrokarrilarena.