Txintxarri abesbatzak eta Zazpi Astoren Gainean bertso taldeak elkarlanari eusten diote 2010az geroztik. Aurten ere txandaka arituko dira abesbatzakoak eta bertsolariak. Bertsolariek koplak kantatuko dituzte etxe atarietan eta abesbatzakoek lagunduko diete. Abesbatzakoek, berriz, Siziliako martiriari eskainitako doinuak abestuko dituzte. Arkaitz Balda herritarrak lagunduko die abeslariei trikiti soinuarekin.
Bi kultur taldeetako ordezkariak kalez kale ibiliko dira, eta hori dela eta, herritar guztiei dei egiten diete eurekin batera santa eskean ibil daitezen.
Herritarrei deia
Agate Deunaren bezperan kalean abesteko deialdi zabala egin dute bi taldeek. Ostegun honetan entsegua egingo dute Alegiako kultur etxeko areto nagusian gaueko bederatzietan. Herritarren parte-hartzea bultzatu nahi dute. Hori dela eta, herritar guztiei dei egiten diete eurekin batera santa eskean ibil daitezen.
Igandean Larraitz auzotik abiatu eta herriko plazan amaituko dute kantu eta bertso saioa.
Alegiako bertsolariak eta abeslariak elkarrekin aterako dira aurten ere Agate Deunaren bezperan, herriko kaleetan barna koplak eta kantuak abestera. Umore zipriztinik ez da faltako bi taldeen jardunean. Igandean arratsaldeko bostak eta erdietan abiatuko dira Larraitz auzotik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!