Pianoaz, txalapartaz eta gitarraz lagunduta aritu ziren bi abesbatzak; momentu batzuetan koreografia ere erabili zuten kantuari laguntzeko, eta horrek guztiak erakargarri egin zuen Txintxarri Eguneko emanaldia.
Garbiñe Orbegozoren aginduetara aritu ziren bi abesbatzak, eta beti bezala, Mariaje Rekondo herritarra izan zuten laguntzaile pianoarekin. Oraingo honetan, Iosune Marin, Asier Ansa eta Irati Garcia hernaniarrak izan ziren gonbidatu bereziak; lehenak gitarrarekin lagundu zion abesbatzari, eta bigarrenek txalapartarekin lagundu zioten.
Alegiako Udalaren, Parrokiaren eta Txintxarri Abesbatza Kultur Elkarteko bazkideen laguntza eskertu zuten abesbatzek. Eta gogoan izan zituzten berrogeita hamazazpi urteotan abesbatzako abeslari izan eta hil direnak.
Eguberrietako emanaldia prestatzen arituko dira abesbatzak datozen asteotan.
