Estilo desberdinetako doinuak abestu zituzten joan zen larunbatean Alegiako Txintxarri eta Otxandioko Oihandi abesbatzek. Otxandioko Santa Marina parrokian eskaini zuten emanaldia.
Gorbeialdeko hotzak ez zituen kikildu abeslariak eta ordubete inguruko emanaldia eskaini zuten bi koruek. Fin aritu ziren alegiarrak Garbiñe Orbegozoren zuzendaritzapean. Otxandioarrak, berriz, sendo abestu zuten Leire Amenabarren aginduetara.
Bi abesbatzek “Agur jaunak” elkarrekin kantatuaz amaitu zen kontzertua, eta ondoren, afari legea egin zuten Otxandioko bolatokian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
