Bosna abesti eskaini zituzten taldeko txikienek eta zazpina abesti kantatu zituzten helduek. Bi koruek Mariaje Rekondoren laguntza izan zuten hainbat kantutan.
Txintxarri Txiki abesbatzak euskal doinu herrikoietan oinarritutako moldaketak eskaini zituen batez ere, eta eskuen eta oinen laguntzarekin indartu zuten kantu bakoitzaren esanahia. Helduek, berriz, estilo desberdineko abestiak eskaini zituzten, horietako batzuk euskaraz, baina bi beltz espiritual ere abestu zituzten.
Kontzertuaren amaieran bi abesbatzek elkarrekin abestu zuten eta euskal musika garaikideko bi abesti eskaini zituzten, koru musikara egokituak biak: Sorotan Beleren “Arratsalde honetan” eta Ken Zazpiren “Haizea”.
Herriko Eizmendi enea jatetxean egin zuten afaria eta bertan jarraitu zuen kantu saioak.