Ekintzailetza Sailak enpresa-ideia bat aurkezten duen ekintzaileari proiektua aurrera eramateko behar duen laguntza eskaintzen dio. Zerbitzua tutoretza pertsonalizatuaren bidez ematen da, eta bertan enpresa-ideia bera, aldagai garrantzitsuak, arriskuak eta bideragarritasuna lantzen dira, finantzaketa lortzeko prozesuarekin batera.
Bideragarritasun azterketa
Enpresa-plana garatzeko informazioa eta aholkularitza eskaintzen dira. Enpresa-ideia garatzeko prozesu osoan zehar, ekintzaileak orientazioa eta laguntza jasotzen ditu bere proiektua egoki egituratzeko.
Prestakuntza
Ekintzaile berrientzako enpresa-kudeaketari buruzko ikastaroak, tailerrak eta saioak antolatzen dira, beren negozioa kudeatzeko beharrezkoak diren ezagutzak eskuratu ditzaten.
Finantzaketa
Enpresa-egitasmoa martxan jartzeko behar den finantzaketa lortzen laguntzen da, finantza-erakunde desberdinekin sinatutako hitzarmenei esker.
Enpresa-haztegiak
Lehiberri Zentroan hamar enpresa-haztegi jartzen dira ekintzaile berrien esku, beren enpresa-egitasmoak kokatzeko. Haztegi hauek oinarrizko baliabide materialez eta zerbitzu amankomunez hornituta daude, hasierako urteetan proiektuak baldintza egokietan garatu ahal izateko.
Haztegi kopurua: 10.
Bilera gelak: 2.
Haztegiko bulegoen azalera: 16-20 m2.
Alokairua: 112,5 €/hilean.
Gehienezko iraupena:
5 urte (urtero alokairua berrituko da).
Eskainitako zerbitzuak alokairuan:
• Tolosaldea Garatzen eta Lehiberriko teknikarien aholkularitza teknikoa.
• Argindar kontsumoa (energia).
• Geotermia sistema (aire girotua eta berogailua).
• Wifi sare irekieraren erabilera.
• Erabiltzaileen aukerako ordutegia, 24 orduz.
Ongi etorria ekintzaile berriei
Bide batez, enpresa-haztegian kokatu berriak diren bi ekintzaileei ongietorria eman nahi diegu:
David Lopez Elduaien
Arantxa Garin Etxenike
2025eko ekintzailetza datuak:
Sortutako enpresa berriak: 27.
Sortutako lanpostuak: 37.
Egindako inbertsioa guztira: 422.335 €.
Ekiteko batezbesteko adina: 39 urte.