Gazteak, ongi etorri!

Erabiltzailearen aurpegia Tolosaldea Garatzen 2023ko ira. 15a, 10:00

Tolosaldera iritsi berri diren haur eta gazteei harrera ona egiteko, duela 10 urte martxan jarri zen eskolaz kanpoko gunea berriro hasiko da urrian, Tolosako kultur etxeko Topagunean eta Villabonako Gaztelekuan. Azken bi urteetan Tolosaldeko herri edo ikastetxe batera iritsi diren 6-12 urte bitarteko haur eta gazteek, astean egun batean, elkarren artean jolas egiteko eta beste haur eta gazte batzuk ezagutzeko aukera izango dute.

Helburua jardueren bitartez, gazteek elkarrekin ongi pasatzea litzateke eta era berean, bere nortasuna errespetatzea eta euskal kulturara gerturatzea. Bertan, euskara hizkuntza bizia dela, hitz egitea garrantzizkoa dela, komunikaziorako eta gizarte-harremanetarako tresna dela azalduko zaie.

2023-2024 ikasturtea urriaren 16, 17 eta 18an hasiko da. Informazioa eta izena eman nahi dutenentzat Tolosaldea Garatzeneko webgunea, edota migrazioa@tolosaldea.eus  helbidea, zein 646 05 70 80 telefonoa eskuragai daude.




MARTXAN BERRIRO

Eskualdean bizi eta etorri berri diren jatorri atzerritarreko pertsonei zuzendutako saioak dira eskaintzen direnak

NIK ERE BADITUT IKASKETAK, NOLA HOMOLOGATU?

  • Irailak 27: 18:30etan Zizurkilgo Atxulondo kultur etxean.

Pertsona askok jatorrizko herrietan ikasketak burutu zituzten, baina egun ez daude horretan lanean, eta ezin izaten dute prestakuntza akademikoarekin jarraitu. Homologazioa, balioztatzea eta onarpen prozesuaren inguruko informazioa, aholkularitza eta orientazioa emango dituzte. Bidez bide elkartea izango da saioa bideratuko duena.


ATZERRITARTASUN TRAMITEEI BURUZKO 2 INFORMAZIO SAIO

  • Urriak 26: Villabonan, Subijana etxean, 18:00tan.
  • Azaroak 16: Ibarran, kultur etxean, 18:00tan.

Eusko Jaurlaritzako Biltzeneko abokatu batek bideratuko ditu saioak.

Atzerritartasun paperen tramiteari buruzko hitzaldi praktikoa izango da (lan munduan errotzea, gizartean errotzea, ikasketengatik errotzea, familia berrelkartzea, ikasketengatik egonaldia egitea, atzerritarrak kontratatzea, baimenak berritzea eta abar).

Saio hauek jatorri anitzeko pertsonei zuzenduta daude, baita atzerritar pertsonekin loturak (familiakoak, lanekoak, etab.) dituzten pertsonei bideratuta.

Gizartea

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!