Tolosaldea Garatzeneko Ekintzailetza sailak, enpresa ideia bat aurkezten duen ekintzaileari asmo hori aurrera eramateko behar duen laguntza guztia ematen dio. Tutoretza pertsonalizatuaren bidez eskaintzen da zerbitzua, eta tutoretza hori arduratzen da enpresa ideia, aldagai garrantzitsuak, arriskuak eta bideragarritasuna lantzeaz, finantzaketa lortzearekin batera.
Bideragarritasun azterketa
Enpresa plana garatzeko informazioa eta aholkularitza: enpresa ideia garatzeko prozesuan, ekintzaileari aholkularitza eta orientazioa eskaintzen zaio bere proiektua garatzeko.
Abian jarri nahi dugun negozio ideia mamitzeko balio duen laneko dokumentua izango da enpresa plana. Aukera ematen dio ekintzaileari ideia horri eragin diezaioketen aldagai guztien azterketa sakona egiteko, eta proiektuaren bideragarritasuna zehazteko behar den informazioa ematen du.
Prestakuntza
Ekintzaile berrientzako enpresa kudeaketa ikastaroak, tailerrak eta saio desberdinak antolatzen dira, ekintzaileari, bere negozioa kudeatzeko behar dituen ezagutzak emateko helburuarekin.
Finantzaketa
Enpresa egitasmoa martxan jartzeko behar den finantzaketa lortzen laguntzen da, Ekintzailetza sailak finantza entitate desberdinekin dituen hitzarmenei esker.
Enpresa haztegiak
Lehiberri zentroan, ekintzaile berrien esku jartzen dira hamar haztegi beraien enpresa egitasmoak kokatzeko. Haztegi hauek oinarrizko baliabide material eta zerbitzu amankomunez hornituta daude, ekintzaile berrien egitasmoak bertan kokatu ahal izateko hasierako urteetan.
HAZTEGIAK
Haztegi kopurua. Hamar.
Bilera gelak. Bi.
Haztegiko bulegoen azalera. 16-20 metro koadro.
Alokairua. 110 euro / hilean.
Gehienezko iraupena. 5 urte (urtero alokairua berrituko da).
Alokairuaren barruan eskainitako zerbitzuak. Tolosaldea Garatzen eta Lehiberriko teknikarien aholkularitza teknikoa, argindar Kontsumoa (energia), geotermia sistema (aire girotua eta berogailua), garbiketa eta mantenu orokorra, Wifi irekiaren erabilera, bilera gelen erabilera, posta jasotze zerbitzua, office-aren erabilera, eraikinerako sarbide indibiduala eta erabiltzaileen aukerako ordutegia, 24 orduz.