BABESTUTAKO EDUKIA

Ia 400.000 euro, Tolosaldeko enpresetan 63 kontratazio sustatzeko

Erabiltzailearen aurpegia

Abenduaren 3an ospatuko da Enplegunea, Lehiberri zentroan, 08:00etatik 17:00etara bitartean.

Enplegunea enpresen eta lan eskatzaileen arteko topalekua da, eta eskualdean enplegua sustatzeko ezinbesteko egitasmo bihurtu da.  Alde batetik, Lanbideren bitartez, kontratazioetarako diru-laguntzak ematen zaizkie Tolosaldeko enpresei. Enpresak eta lan bila dabiltzanak aurrez aurre ere jartzen ditu: lanpostu bakoitzeko hautagai egokienak elkarrizketatu ditzakete enpresek, eta elkarrizketa errealak egiteko aukera ematen die lan bila dabilenei.

Enpresentzat

Kontratazioetarako diru-laguntzen baldintzak

  • Diru-laguntzak: Hilabetean 1.000 euroko diru-laguntza lanpostuko
  • Epealdia: Gehienez 6 hilabeterako laguntza, 6.000 euro guztira
  • Lan-eremua: Enpresek egoitza Tolosaldean izan behar dute
  • Kontratu mota: Ez da formazioko edo praktiketako kontraturik onartuko
  • Lanbide: Kontratatutako pertsonak Lanbiden altan egon behar du
  • Kontratazioak: Kontratazio epea: urtarrilaren 1etik abenduaren 31ra arte
  • Azken eguna: Kontratazioa egiteko epe muga: abenduak 31.

Lan bila daudenentzat

Nola parte hartu Enplegunean?

  • 1. Izena eman: Hurrengo orrialdeko lan-eskaintzen zerrena ikusi, eta interesekoak zaizkizun horietan izena eman lan3@tolosaldea.eus helbidera idatzi edo 943 654 501 telefono zenbakira deituta
  • 2. Lanbide: Kontuan izan Lanbiden alta emanda egon beharko duzula
  • 3. Elkarrizketa: Enpresa bakoitzak, bilatzen duen profilera hobekien egokitzen diren hautagai egokienen zerrenda egin, eta elkarrizketak egingo ditu
  • 4. Hitzordua: Zerrenda horretan bazaude, hitzordu bat emango dizu Enplegu Sailak, abenduaren 3an Lehiberri zentrora elkarrizketa egitera gerturatu zaitezen. Zatoz zure curriculuma hartuta.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!