Arlo teknologikoan izan ezik, gainerako esparruetako berrikuntzan jartzen du fokua Hazinnova programak, enpresetan. Errentagarritasun hobea ateratzeko, prozesu eraginkorragoak bideratzeko, motibazioa pizteko nahiz lan taldea modu berrietara antolatzeko aholkularitza zerbitzua da, eta doakoa.
SPRIk sustatutako egitasmoa Lehiberriko enpresa sailak kudeatzen du Tolosaldean, eta proiektuaren nondik norakoak azaldu ditu, ATARIA irratian, Aimar Arzelusek. Besteak beste, azaldu du 50 orduko aholkularitza espezializatua jaso dezaketela enpresek, eta lanketaren eragina epe motzean ikusten dela.